سعودی عرب کے شہر مکہ میں کلاک ٹاور پر آسمانی بجلی گرنے کا ویڈیو سوشل میڈیا پر وائرل ہو گیا ہے۔ شام کے وقت آسمانی بجلی کلاک ٹاور سے ٹکراتی ہے اور پھر آسمان کو روشن کر دیتی ہے۔Lightning Strike on Mecca clock tower ملہم ایچ نام کے صارف کی جانب سے ایک کلپ آن لائن سوشل میڈیا پر شیئر کیا گیا ہے، جو جدہ کی کنگ عبدالعزیز یونیورسٹی میں فلکیات کے اسکالر ہیں۔ انھوں نے ویڈیو شیئر کرتے ہو لکھا ہے جس کا ترجمہ یہ ہے: "کچھ دن پہلے مکہ مکرمہ میں بارش کے دوران برج السعاء پر آسمانی بجلی گری۔" جمعہ کو شیئر کیے گئے اس ویڈیو کو ٹویٹر پر 1.4 ملین سے زیادہ مرتبہ دیکھا جا چکا ہے۔ کئی ٹویٹر صارفین نے اسے ری ٹویٹ کیا اور اس خوبصورت نظارے پر حیرت کا اظہار بھی کیا۔
گذشتہ چند دنوں سے سعودی عرب کے مختلف حصوں میں گرج چمک اور موسلا دھار بارش ہو رہی ہے۔ العربیہ کے مطابق، ہمسایہ ملک متحدہ عرب امارات کے کئی حصے کئی دہائیوں میں سب سے زیادہ بارش کا سامنا کر رہے ہیں۔ یو اے ای کے نیشنل سینٹر آف میٹرولوجی (این سی ایم) کے مطابق، جولائی میں تقریباً 30 برسوں میں سب سے زیادہ بارش ریکارڈ کی گئی ہے۔ ماہرین کے متحدہ عرب امارات اور سعودی عرب میں ہونے والی بارش کو ہندوستانی مانسون کم ہونے کے نتیجے میں بارش ہو رہی ہے۔
