نئی دہلی: بھارتی کوسٹ گارڈ نے منگل کے روز 20 بنگلہ دیشی ماہی گیروں کو کوسٹ گارڈ ڈورنیئر طیارے کی طرف سے دیکھا جانے کے بعد سمندر سے بچایا۔ سمندری طوفان سترنگ کے پیش نظر کوسٹ گارڈ کا ڈورنیئر طیارے نگرانی کے لیے پرواز کر رہے تھے۔ ذرائع کے مطابق بنگلا دیشی ماہی گیروں کی کشتی ڈوبنے کے بعد ملبے سے چمٹے ہوئے تھے۔ ہندوستان اور بنگلہ دیش کوسٹ گارڈ کے درمیان مفاہمت کی یادداشت (ایم او یو) کے مطابق ماہی گیروں کو بنگلہ دیش کوسٹ گارڈ کے حوالے کیا جائے گا۔ICG rescues Bangladeshi fishermen
پیر کی رات بنگلہ دیش کے جنوبی ساحلی اور وسطی حصوں سے ٹکرانے والے سمندری طوفان سترنگ کی وجہ سے کم از کم 35 افراد ہلاک اور متعدد مکانات تباہ ہو گئے۔بنگالی روزنامہ پرتھم الو کے مطابق منگل کی صبح بنگلہ دیش پر سترنگ کا اثر کمزور پڑ گیا۔یہ پہلا واقعہ نہیں ہے جب ہندوستانی کوسٹ گارڈ نے بنگلہ دیشی ماہی گیروں کو سمندر سے بچایا ہو۔
