بگوٹا: کولمبیا میں چوکو ڈویژن کے دارالحکومت کوئبڈو میں ایک فوجی ہیلی کاپٹر گر کر تباہ ہو گیا جس میں چار فوجی ہلاک ہو گئے۔ کولمبیا کے صدر گسٹاو پیٹرو نے اتوار کے روز یہ اطلاع دی۔ صدر گسٹاو پیٹرو نے متاثرین کے اہل خانہ سے تعزیت کا اظہار کرتے ہوئے سوشل میڈیا پر کہا کہ "کوئبڈو میں طیارے کے حادثے میں کوئی زندہ نہیں بچا ہے۔" انہوں نے بتایا کہ جب حادثہ ہوا تو ہیلی کاپٹر سامان لے جا رہا تھا۔ وہیں چوکو ڈویژن کے گورنر فرلن پیریا نے کہا کہ حادثے کی وجوہات کا پتہ لگانے کے لیے تحقیقات کی جا رہی ہیں۔ جوائنٹ ٹاسک فورس ٹائٹن کے کمانڈر کرنل ہیکٹر الفونسو کینڈیلاریو نے بتایا کہ حادثے میں ہیلی کاپٹر مکمل طور پر جل گیا۔ معلومات کے مطابق، ہلاک ہونے والے اہلکاروں کے نام ہیکٹر جیریز، جولیتھ گارشیا، جوہان اوروزکو اور روبن لیگیزامون کے طور پر شناخت کیے گئے ہیں۔
واضح رہے کہ فروری 2023 امریکی ریاست الاباما کے شہر ہنٹس وِلے کے قریب ہائی وے 53 کے قریب ٹریننگ کے دوران ٹینیسی نیشنل گارڈ سے تعلق رکھنے والا ایک بلیک ہاک ہیلی کاپٹر گر کر تباہ ہو گیا تھا۔ حادثے میں عملے کے دو ارکان ہلاک ہو گئے تھے۔ وہیں فروری ماہ میں ہی صومالیہ میں دارالحکومت موغادیشو کے قریب افریقی یونین مشن کا ایک ہیلی کاپٹر گر کر تباہ ہو گیا تھا جس میں سوار تین افراد ہلاک اور آٹھ زخمی ہو گئے تھے۔ ہیلی کاپٹر میں کُل گیارہ مسافر سوار تھے جس میں میں سے تین جان کی بازی ہار گئے۔
یہ بھی پڑھیں: Somalia Helicopter Crash صومالیہ میں ہیلی کاپٹر گر کر تباہ، تین افراد ہلاک
یو این آئی
