تہران: ایران کی سرکاری میڈیا کے مطابق جنوب مشرقی ایران میں دہشت گرد عناصر کے حملے میں اسلامی انقلابی گارڈ کور کے چار سکیورٹی ڈیفنس فورس ہلاک ہوگئے۔ اسلامی انقلابی گارڈ کور کے مطابق، چاروں اہلکار صوبہ سیستان و بلوچستان کی سراوان کاؤنٹی میں پاکستان کی سرحد سے متصل علاقے میں مارے گئے۔ Terrorists Attack in Iran
جس صوبے میں یہ حملہ کیا گیا، وہاں مسلسل حکومت مخالف احتجاجی مظاہرے بھی جاری ہیں اور اس ایرانی خطے میں انتہا پسند بھی کافی سرگرم ہیں۔ سرکاری خبر رساں ادارے ا رنا نے بتایا کہ جس مقام پر یہ خونریز حملہ کیا گیا، وہاں سکیورٹی دستوں کی بڑی تعداد میں موجودگی کے باعث حملہ آوروں کے گروہ کے ارکان فرار ہو کر پاکستانی علاقے کی طرف چلے گئے۔
اس سے قبل اکتوبر میں ایران کے شہر شیراز میں شاہ چراغ کے مزار پر مسلح حملے میں 15 افراد ہلاک اور 40 زخمی ہوئے تھے۔ داعش نے اپنے ٹیلی گرام چینل پر ایک بیان میں اس وحشیانہ حملے کی ذمہ داری قبول کی۔
یہ بھی پڑھیں: Iran Anti Hijab Protests ایران کی معروف اداکارہ ترانہ علی دوستی گرفتار
