Cyclone Mandous مانڈوس طوفان سے سری لنکا کے پانچ ماہی گیر لاپتہ

سری لنکا میں مانڈوس طوفان کی وجہ سے پانچ ماہی گیر سمندر میں لاپتہ ہو گئے ہیں۔ سری لنکا میں مانڈوس طوفان سے 21 ہزار سے زائد شہری متاثر ہوئے ہیں اور 5600 سے زائد مکانات کو نقصان پہنچا ہے۔ Sri Lankan fishermen missing

کولمبو: سری لنکا کی ماہی پروری کی وزارت نے منگل کو اعلان کیا کہ سمندری طوفان مانڈوس کی وجہ سے پانچ ماہی گیر سمندر میں لاپتہ ہوگئے ہیں۔ وزارت کے مطابق تین کشتیوں پر سوار پانچ ماہی گیر بٹیکالوا، ترنکومیلی اور گالے اضلاع کے رہائشی ہیں۔ ماہی پروری کی وزارت کے ماتحت ایک تنظیم ماہی پروری اور آبی وسائل کے محکمے کے ڈائریکٹر جنرل سوشانت کہوٹا نے صحافیوں کو بتایا کہ ماہی گیری کی کشتیاں پہلے ہی سمندر میں موجود تھیں جب انہوں نے وارننگ جاری کی تھی۔ Cyclone Mandous in Sri Lanka

انہوں نے بتایا کہ سری لنکا کا سمندر اب پرسکون ہے اور ماہی گیری کی سرگرمیاں معمول پر آ گئی ہیں۔ انہوں نے بتایا کہ مانڈوس طوفان سے 21 ہزار سے زائد شہری متاثر ہوئے ہیں اور 5600 سے زائد مکانات کو نقصان پہنچا ہے۔

یو این آئی