واشنگٹن: امریکہ کے پنسلوانیا میں ہفتہ کے روز ایک گھر کے اندر دھماکے سے پانچ لوگوں کی موت ہوگئی اور تین دیگر زخمی ہوگئے۔ حکام نے اتوار کے روز یہ اطلاع دی۔ کاؤنٹی کی فیس بک پوسٹ کے مطابق، مقامی وقت کے مطابق ہفتہ کی صبح تقریباً 10:23 بجے مغربی پنسلوانیا کی الیگینی کاؤنٹی کے تحت پلم علاقہ میں گھر کے اندر دھماکے کی اطلاع ملنے کے بعد پولس اور فائر ڈپارٹمنٹ کے عملہ جائے وقوعہ پر پہنچے۔
پوسٹ میں مزید کہا گیا کہ تین ڈھانچے تباہ ہوئے ہیں اور کم از کم ایک درجن کو جزوی نقصان پہنچا ہے۔ پلم علاقہ کے پولس چیف لینی کونلی نے اتوار کی صبح پریس کانفرنس میں کہا کہ طبی معائنہ کاروں نے اس بات کی تصدیق کی ہے کہ مرنے والے پانچ لوگوں میں چار بالغ جب کہ ایک ایک نوعمر بچہ شامل ہے۔
کاؤنٹی ایمرجنسی سروسز کے حکام نے صحافیوں کو بتایا کہ دو افراد کو اسپتال سے ڈسچارج کر دیا گیا ہے، جبکہ ایک کی حالت تشویشناک ہے۔ علاقے میں انتہائی احتیاط کے پیش نظر گیس اور بجلی کی خدمات عارضی طور پر بند کر دی گئی ہیں۔ حکام کا کہنا ہے کہ گھر میں دھماکے کی وجوہات کی تفتیش جاری ہے۔
یو این آئی
