بیجنگ: چین کے جنوب مغربی تبت خود مختار علاقے کے ننگچی شہر میں جمعرات کی دوپہر کو زلزلے کے شدید جھٹکے محسوس کیے گئے۔ ریکٹر اسکیل پر زلزلے کی شدت 5.6 ریکارڈ کی گئی۔Earthquake in china
چائنا ارتھ کوئیک نیٹ ورکس سینٹر (سی ای این سی) کے مطابق، ننگچی شہر میں مقامی وقت کے مطابق صبح ایک بج کر ایک منٹ پر ایک زبردست زلزلے سے میڈوگ کاؤنٹی لرز اٹھی۔سی ای این سی نے کہا کہ زلزلے کا مرکز 28.35 ڈگری شمالی عرض بلد اور 94.48 ڈگری مشرقی طول البلد اور زمینی سطح سے 10 کلومیٹر کی گہرائی میں تھا۔
وہیں بدھ کی صبح دور مغربی نیپال کے ضلع ڈوٹی میں 6.6 شدت کے زلزلے کے بعد کم از کم تین افراد کے ہلاک ہونے کی اطلاع ہے۔ نیپال کے قومی زلزلہ مرکز (این ایس سی) نے کہا کہ نیپال کے دور مغربی علاقے میں گزشتہ 24 گھنٹوں میں تین جھٹکے ریکارڈ کیے گئے۔ دو زلزلے اور ایک آفٹر شاک۔ این ایس سی کے اعداد و شمار کے مطابق، منگل کو رات 9:07 (مقامی وقت) پر 5.7 کی شدت کا پہلا زلزلہ ریکارڈ کیا گیا اور اس کے بعد 9:56 (مقامی وقت) پر 4.1 کی شدت کا زلزلہ آیا۔
اس سے قبل 2015 میں، ریکٹر اسکیل پر 7.8 کی شدت کا زلزلہ وسطی نیپال کے دارالحکومت کھٹمنڈو اور پوکھارا شہر کے درمیان آیا تھا۔ ایک اندازے کے مطابق 8,964 افراد ہلاک اور 22,000 زخمی ہوئے۔ زلزلے نے شمالی ہندوستان کے کئی شہروں کو بھی ہلا کر رکھ دیا۔ پاکستان کے شہر لاہور، تبت کے لہاسا اور بنگلہ دیش کے ڈھاکہ میں بھی زلزلے کے جھٹکے محسوس کیے گئے۔ نیپال میں آنے والے حالیہ زلزلوں نے جان و مال کو بے مثال نقصان پہنچایا ہے اور اس طرح کی آفات سے نمٹنے کے لیے منصوبہ بند پالیسی اقدامات کے نفاذ کی ضرورت ہے۔ 1934 میں نیپال کو اب تک کا بدترین زلزلہ آیا۔ 8.0 شدت کے زلزلے نے کھٹمنڈو، بھکتا پور اور پٹن کے شہروں کو تباہ کر دیا۔
یہ بھی پڑھیں: Earthquake in Nepal نیپال میں زلزلے کے شدید جھٹکے، 6 افراد ہلاک
یواین آئی
