واشنگٹن: امریکی صدر جو بائیڈن نے ریپبلکن کیون میک کارتھی کو ایوان کا اسپیکر منتخب ہونے پر مبارکباد دی اور ریپبلکن پارٹی کے ساتھ کام کرنے کی خواہش کااظہار کیا۔ میکارتھی کو ہفتے کی نصف شب تک 15 راؤنڈ ووٹوں کی گنتی کے بعد کل 216 ووٹ ملے۔Joe Biden congratulates McCarthy
وائٹ ہاؤس کی طرف سے جاری ایک بیان میں، بائیڈن نے کہا 'میں کیون میک کارتھی کو ایوان کا اسپیکر منتخب ہونے پر مبارکباد پیش کرتا ہوں… جیسا کہ میں نے وسط مدتی انتخابات کے بعدکہا تھا، میں ریپبلکنز کے ساتھ کام کرنے کے لیے تیار ہوں۔ جو میں کرسکتا ہوں۔ وہ توقع کرتے ہیں کہ ریپبلکن بھی میرے ساتھ کام کرنے کو تیار رہیں گے۔ واضح رہے جو بائیڈن خود ڈیموکریٹک پارٹی سے وابستہ ہیں لیکن انکی پارٹی کو اسپیکر کے انتخاب کیلئے درکار ووٹوں کا حصہ نہیں ملا۔ اس سے قبل ایوان کی اسپیکر کے عہدے پر ڈیموکریٹک پارٹی کی نینسی پلوسی تھیں جنہوں نے ریپبلکن صدر ڈونالڈ ٹرمپ کے ساتھ کام کیا۔ ٹرمپ اور پلوسی کے درمیان واضح اختلافات تھے اور بعض اوقات وہ ایکدوسرے کے تئیں سردمہری کا کھل کر اظہار کرتے تھے۔ انہوں نے کئی بار آنکھیں یا ہاتھ ملانے سے بھی احتراز کیا۔
امریکی کانگریس میں اپوزیشن پارٹی کے اسپیکر منتخب ہونے سے امریکہ کی اندرونی سیاست میں ایک بار پھر تلخی کے امکانات پیدا ہوگئے ہیں۔ جو بائیڈن کی حکومت کی عوامی مقبولیت میں بتدریج کمی آرہی ہے۔ اقتصادی محاذ پر ناکامی اور افغانستان میں ہزیمت ناک شکست کے بعد فوجی انخلاء نے جو بائیڈن کو ایک کمزور امریکی صدر کے طور متعارف کیا ہے۔
Coronavirus In China چین میں کورونا کی صورتحال پر فکر مند، بائیڈن
یو این آئی
