Putin Visits Belarus بیلاروس ہمسایہ ہی نہیں بلکہ ہمارا اتحادی بھی ہے، روس

روس کے صدر ولادیمیر پوتن نے کہا ہے کہ بیلاروس ہمارا صرف پڑوسی ملک ہی نہیں بلکہ ہمارا ایک اہم اتحادی ہے۔ سکیورٹی کے موضوعات میں بیلا روس کے ساتھ ہونے والی پیش رفت ہمارے لیے اطمینان بخش بھی ہیں۔ Putin Visits Belarus

ماسکو: روسی صدر پوتن نے بیلاروس کے دارالحکومت منسک میں صدر الیگزینڈر لوکا شینکو کے ساتھ ملاقات کی۔ اس دوران صدر پوتن نے اقتصادیات سمیت دونوں ملکوں کے باہمی تعاون کا عمومی جائزہ لیا۔ انہوں نے کہا ہے کہ سکیورٹی کا شعبہ بھی ہمارے باہمی تعلقات کے اہم شعبوں میں سے ایک ہے۔ حالیہ دنوں میں ہم سکیورٹی کے موضوعات اور بین الاقوامی شعبے میں باہمی تعاون کے بارے میں بہت محتاط ہیں اور عمومی حوالے سے اپنے باہمی تعلقات کے معیار سے مطمئن ہیں۔Putin Visits Belarus

صدر پوتن نے کہا ہے کہ رواں سال میں دونوں ممالک کے درمیان تجارتی حجم کے 40 بلین ڈالر تک پہنچنے کی توقع ہے جو سابقہ ریکارڈ توڑ ڈالے گا۔ روس نے بیلاروس میں جوہری پاور پلانٹ قائم کیا ہے، اور ہم، جوہری توانائی کے معاملے میں باہمی تعاون کو مزید فروغ دینے کے لیے تیار ہیں۔ انہوں نے کہا ہے کہ بیلاروس ہمارے لیے ایک ہمسایہ ملک سے کہیں بڑھ کر ہے۔ بیلاروس ہمارے لیے، مکمل اتحادی ہے۔

بیلا روس کے صدر الیگزینڈر لوکا شینکو نے بھی کہا ہے کہ دونوں حکومتوں کے مابین دو طرفہ کاروائی جاری ہے اور اس کا ثبوت یہ ہے کہ ہمارے باہمی تجارتی حجم میں اضافہ ہو رہا ہے اور ماضی میں ہمارے باہمی تعاون کے راستے میں حائل رکاوٹیں دور ہو گئی ہیں۔ متعدد شعبوں میں روس اور بیلاروس پر پابندیوں کی طرف توجہ مبذول کرواتے ہوئے لوکا شینکو نے کہا ہے کہ ہم مشترکہ اقدامات کرکے ان پابندیوں کے منفی اثرات زائل کر دیں گے۔ (یو این آئی)