اسلام آباد: ایشیائی ترقیاتی بینک نے پاکستان کی بھرپور معاونت کا اعلان کرتے ہوئے سیلاب زدگان کی مدد کیلئے بڑے پیکج کی تیاری کا آغاز کردیا۔Asian Development Bank Help Flood HIT Pakistan
تفصیلات کے مطابق ایشیائی ترقیاتی بینک نے پاکستان میں سیلاب زدگان کی مدد کیلئے بڑے پیکج کی تیاری شروع کردی۔
اے آر وائی نیوز کے مطابق ایشیائی ترقیاتی بینک کی جانب سے اعلامیے میں کہا گیا ہے کہ پاکستان کی بھرپور معاونت کی جائے گی، سیلاب متاثرہ علاقوں میں ریلیف کیلئے فنڈ جاری کیے جائیں گے۔
بینک کا کہنا ہے کہ سیلاب میں غریب مستحق افراد، بیمار خواتین اور بچوں کی مدد کریں گے، بینک کاشت کاروں کی فصلوں کے نقصان کا ازالہ کرے گا۔اعلامیے میں کہنا ہے کہ کسانوں کودوبارہ فصلیں اگانے، پاؤں پرکھڑا ہونے کیلئے مواقع فراہم کریں گے۔
یہ بھی پڑھیں:Rameses II-Era Burial Cave Found فرعون کے دور کا غار دریافت، ماہرین حیران
بینک سیلاب سے تباہ حال سڑکوں، پل، انفراسٹرکچر، تباہ حال گھر، اسکول، اسپتال اور دیگر عمارتوں کی تعمیر نوکیلئے بھی مدد کریں گے۔
رپورٹ کے مطابق ملک میں بارشوں اور سیلاب سے متعلق مختلف حادثوں میں ہلاک ہونے والوں میں 552 بچے اور 315 خواتین شامل ہیں۔ رپورٹ کے مطابق اس کے علاوہ پاکستان کے مختلف حصوں میں 1,943,978 مکانات کو نقصان پہنچا اور 943,909 مویشی ہلاک ہوئے۔ مزید برآں، این ڈی ایم اے کے شائع کردہ اعداد و شمار کے مطابق 81 اضلاع اور ایک اندازے کے مطابق 3,30,46,329 افراد سیلاب سے متاثر ہوئے ہیں۔Asian Development Bank Help Flood HIT Pakistan
