Gaza Massacre اسپتال پر حملہ اسرائیلی قابض افواج کی طرف سے ایک گھناؤنا جرم: سعودی عرب

غزہ کے الاہلی عرب اسپتال پر ہونے والے اسرائیلی حملے کی عرب ممالک نے ایک آواز میں مذمت کی ہے۔ اسرائیل سے باضابطہ تعلقات استوار کرنے والے ممالک متحدہ عرب امارات، بحرین اور مراکش نے حملے کے لیے اسرائیل کو ذمہ دار قرار دیا ہے۔ سعودی عرب نے اسپتال پر حملے کو اسرائیلی قابض افواج کی طرف سے ایک گھناؤنا جرم قرار دیا ہے۔ The international community including Turkey, Iran, Egypt, Qatar, Jordan, France and Canada

ریاض: غزہ میں اسپتال پر بمباری نے اسرائیل-عرب کے معمول پر آرہے تعلقات پر سوالات کھڑے کردیئے ہیں۔ اسرائیل سے باضابطہ تعلقات استوار کرنے والے تینوں ممالک متحدہ عرب امارات، بحرین اور مراکش نے الاہلی عرب اسپتال پر بمباری کی مذمت کی ہے اور اس حملے کے لئے اسرائیل کو ذمہ دار بتایا ہے۔ ان تینوں عرب ممالک نے اسرائیل کی طرف اسلامک جہاد کو حملے کیلئے ذمہ دار بتائے جانے کے دعوؤں کو مسترد کردیا ہے۔ سعودی عرب نے بھی اس حملے کی شدید مذمت کرتے ہوئے اسے "اسرائیلی قابض افواج کی طرف سے ایک گھناؤنا جرم" قرار دیا ہے۔ سربراہ عرب لیگ نے غزہ کے اسپتال پر اسرائیلی بمباری کی مذمت کرتے ہوئے کہا کہ کون جان بوجھ کر اسپتال پر بمباری کرتا ہے۔ سعودی عرب نے آزاد فلسطینی ریاست کے قیام کو ناگزیر قرار دیتے ہوئے، 1967 کی حد بندی کے مطابق آزاد فلسطینی ریاست کے قیام کا مطالبہ کیا ہے۔ سعودی فرمانروا شاہ سلمان بن عبدالعزیز کی زیر صدارت کابینہ کا اجلاس ہوا جس میں کہا گیا کہ دارالحکومت مشرقی بیت المقدس کے ساتھ آزاد فلسطینی ریاست کا قیام ناگزیر ہے۔ اجلاس میں کہا گیا کہ عرب امن منصوبے کے تحت امن عمل دوبارہ شروع کیا جائے۔ سعودی کابینہ اجلاس میں اسرائیل کی جانب سے فلسطینیوں کی جبری بے دخلی کی بھی مذمت کی گئی۔

• Saudi Arabia condemns in the strongest possible terms the heinous crime committed by the Israeli occupation forces by bombing Al Ahli Baptist Hospital in Gaza, which led to the deaths of hundreds of civilians, including children as well as injured and wounded individuals. pic.twitter.com/l2jVTulVeN

  — Foreign Ministry 🇸🇦 (@KSAmofaEN) October 17, 2023 " class="align-text-top noRightClick twitterSection" data="

  Saudi Arabia condemns in the strongest possible terms the heinous crime committed by the Israeli occupation forces by bombing Al Ahli Baptist Hospital in Gaza, which led to the deaths of hundreds of civilians, including children as well as injured and wounded individuals. pic.twitter.com/l2jVTulVeN

  — Foreign Ministry 🇸🇦 (@KSAmofaEN) October 17, 2023

  ">

  Saudi Arabia condemns in the strongest possible terms the heinous crime committed by the Israeli occupation forces by bombing Al Ahli Baptist Hospital in Gaza, which led to the deaths of hundreds of civilians, including children as well as injured and wounded individuals. pic.twitter.com/l2jVTulVeN

  — Foreign Ministry 🇸🇦 (@KSAmofaEN) October 17, 2023

ترکی، ایران، مصر، قطر، اردن، فرانس اور کینیڈا سمیت عالمی برادری کی جانب سے غزہ میں اسپتال پر اسرائیلی حملے کی پرزور مذمت کی جارہی ہے۔ بیشتر ممالک نے وحشیانہ جنگی جرائم روکنے کا مطالبہ کیا ہے۔ ادھر یورپی یونین کے سربراہ نے بھی غزہ میں شہری بنیادی ڈھانچے خصوصاً اسپتالوں کو نشانہ بنانے کو بین الاقوامی قانون کی خلاف ورزی قرار دیا ہے۔ ترکی کے صدر رجب طیب اردوان نے اسپتال پر حملے کو بنیادی انسانی اقدار کی خلاف ورزی کی بدترین مثال قرار دیا ہے۔ کینیڈا کے وزیراعظم جسٹن ٹروڈو نے غزہ میں اسپتال پر فضائی حملے کو ناجائز اور غیرقانونی قراردیا ہے۔ ایرانی صدر نے اپنے بیان میں کہا کہ امریکہ اسرائیل کے بموں کے شعلے اسرائیل ہی کونگل لیں گے۔

دنیا بھر خاص کر مسلم ممالک میں غزہ کے الاہلی عرب اسپتال پر اسرائیلی حملے کی مخالفت میں احتجاجی مظاہرے کئے جارہے ہیں۔ لوگ اسرائیلی سفارت خانوں کے باہر جمع ہوکر فلسطینیوں کی حمایت میں آواز بلند کررہے ہیں۔ مظاہرین کے گروپ موٹر سائیکلوں پر بیروت میں گھومتے رہے اور فرانسیسی سفارت خانے اور مغربی ایشیا کے لیے اقوام متحدہ کے اقتصادی اور سماجی کمیشن کے صدر دفتر کے باہر جمع ہوئے۔ اردن کے شہر عمان میں درجنوں مظاہرین نے اسرائیلی سفارتخانے کے احاطے پر دھاوا بولنے کی بھی کوشش کی۔ ایران کے دارالحکومت تہران میں بھی سیکڑوں مظاہرین نے فرانسیسی سفارت خانے کے باہر مظاہرہ کیا۔ ترکی میں مظاہرین نے نیٹو کے فوجی اڈے میں گھسنے کی کوشش کی اور پولیس پر پتھراؤ کیا۔