Fire in Pakistan's Dadu: پاکستان میں جھلسنے سے 9 بچے ہلاک، 20 زخمی

پاکستان کے ضلع دادو میں آگ لگنے سے 9 بچے ہلاک اور 20 دیگر زخمی ہو گئے ہیں۔ اس واقعے میں تقریباً 50 یا اس سے زائد گھر جل کر خاکستر ہوگئے ہیں۔ Nine children killed, 20 injured in Pakistan fire

اسلام آباد: پاکستان کے ضلع دادو میں مہار شہر کے قریب فیض محمد گاؤں میں آگ لگنے سے 9 بچے ہلاک اور 20 دیگر زخمی ہو گئے، جیو نیوز کی رپورٹ کے مطابق آگ پیر کی رات ایک جھونپڑی کے کچن میں لگی اور تیزی سے آس پاس کے علاقوں میں پھیل گئی۔ تھوڑی ہی دیر میں آگ نے تقریباً 50 یا اس سے زیادہ گھروں کو اپنی زد میں لے لیا۔ Nine children killed, 20 injured in Pakistan fire

بتایا جا رہا ہے کہ آگ لگنے سے تقریباً 150 مویشی بھی ہلاک ہوئے ہیں۔ دادو کے سینئر سپرنٹنڈنٹ آف پولیس عرفان علی سمو نے نو افراد کی موت کی تصدیق کرتے ہوئے کہا کہ تمام لاشوں کو پوسٹ مارٹم کے لیے مہار تعلقہ اسپتال بھیج دیا گیا ہے۔

گاؤں والوں نے الزام لگایا کہ انتظامیہ نے اس واقعہ پر فوری کارروائی نہیں کی۔ انہوں نے کہا کہ آگ پیر کی رات 9.30 بجے شروع ہوئی اور منگل کی صبح 9 بجے تک لگی رہی۔

یواین آئی۔