Bus Accident in Nepal نیپال میں بس حادثہ، 16 افراد ہلاک درجنوں زخمی

نیپال کے ضلع باڑہ میں ایک سڑک حادثے میں کم از کم 16 افراد ہلاک اور 24 زخمی ہوگئے۔ بس دسہین کے تہوار سے واپس آرہی تھی۔ مقامی حکام کے مطابق اس بس میں گنجائش سے زیادہ لوگ سوار تھے۔ Bus Accident in Nepal

کھٹمنڈو: نیپال کے ضلع باڑہ میں سڑک حادثے میں 16 افراد ہلاک اور 24 زخمی ہوگئے۔ پولیس افسر نے یہ جانکاری دی۔ مقامی پولیس حکام کے مطابق، یہ حادثہ صبح کے اوقات میں اس وقت پیش آیا جب بس چتوان کے نارائن گڑھ سے باڑہ کے پاتھلیا کی طرف جارہی تھی اور ایسٹ ویسٹ ہائی وے پر پل کے قریب ٹکرا گئی، جس میں دو درجن سے زیادہ لوگ زخمی ہوئے۔ Bus Accident in Nepal

مکوان پور ڈسٹرکٹ پولیس کے انسپکٹر بلرام شریسٹھا کے مطابق 12 زخمیوں نے مکوان پور ضلع کے اسپتال میں علاج کے دوران دم توڑ دیا جب کہ دو دوسرے اسپتال میں اور ایک مکوان پور اسپتال اور چتوان میں دم توڑ گیا۔ مزید 24 لوگ زخمی ہوئے ہیں اور ان کا علاج چل رہا ہے۔ بس دسہین کے تہوار سے واپسی پر لوگوں کو لے جا رہی تھی۔

مقامی حکام کے مطابق اس بس میں گنجائش سے زیادہ لوگ سوار تھے اور بالآخر پل سے دریا میں گر گئی۔ نیپال میں دسہین جیسے تہوار کے وقت سڑک حادثات عام ہیں جب لوگ تہوار کے لیے بڑی تعداد میں نقل مکانی کرتے ہیں۔ سڑکوں کی خراب حالت اور ڈرائیوروں کی طرف سے انسانی غلطی کے ساتھ اوورلوڈ گاڑیاں ہمالیہ کے خطے میں بڑھتی ہوئی اموات کا سبب بن رہی ہیں۔