موغادیشو: صومالیہ کے دارالحکومت موغادیشو میں اتوار کے روز فوج کی بھرتی کے دفتر کے باہر ہونے والے خودکش بم دھماکے میں کم از کم 15 افراد ہلاک اور 10 سے زائد افراد زخمی ہو گئے۔Bomb Blast in Somalia
فوج کے ذرائع کے مطابق خودکش حملہ آور بھرتی کے لیے دوسرے نوجوانوں کے ساتھ قطار میں کھڑا ہوا تھا اور اسی دوران دھماکہ کر دیا۔ جائے وقوعہ سے 15 افراد کی لاشیں ملی ہیں جب کہ 10 سے زائد افراد زخمی ہوئے ہیں۔ انہوں نے بتایا کہ صومالیہ میں گزشتہ 24 گھنٹے میں یہ ساتواں دہشت گردانہ حملہ ہے۔
صومالی گارجین نیوز ویب سائٹ کے مطابق عسکریت پسندوں نے بتایا کہ خودکش بم حملے میں 32 ریکروٹس مارے گئے، جبکہ دیگر 40 زخمی ہوئے۔ انتہا پسند مسلم گروپ الشباب نے حملے کی ذمہ داری لی ہے۔ گروپ نے دعویٰ کیا ہے کہ خودکش بم حملے میں 32 فوجی ہلاک اور 40 زخمی ہوئے ہیں۔
یہ بھی پڑھیں: Blast in Kabul: کابل میں دو مقامات پر بم دھماکے، چھ ہلاک، متعدد زخمی
یو این آئی
