مصر کے شہر اسکندریہ کے نزدیک مریوط جھیل میں مچھلی پکڑنے والی ایک کشتی کے ڈوبنے سے کم از کم سات افراد ہلاک ہوگئے ہیں۔
مصر کے یو م 7 اخبار نے منگل کے روز یہ اطلاع دی ہے۔ اخبار نے بتایا کہ کشتی میں ایک ہی کنبے کے 12 سے زیادہ افراد سوار تھے، جن میں بچے بھی شامل تھے۔ پیر کے روز یہ لوگ جھیل کے ایک جزیرے سے گھر لوٹ رہے تھے، اس وقت یہ حادثہ پیش آیا۔
راحتی عملہ حادثے کے بعد لاپتہ ہوئے افراد کی تلاش کر رہا ہے۔ حادثے کی وجوہات کا ابھی تک پتہ نہیں چل سکا ہے۔
(یو این آئی)