ترکی کے تیسرے سب سے بڑے شہر ازمیر میں طوفانی بارش کے نتیجے میں شدید سیلاب کی وجہ سے شہر کے اہم راستے اور اضلاع مفلوج ہوکر رہ گئے ہیں۔
ترکی کی سرکاری خبر رساں ایجنسی کے مطابق، ترکی کے شہر ازمیر میں طوفانی بارش اور شدید سیلاب کی وجہ سے ایک شخص ہلاک اور ایک سیلاب میں لاپتہ ہے۔ سیلاب سے عوام کی زندگی درہم برہم ہوکر رہ گئی ہے۔
میڈیا رپورٹ کے مطابق، یہ دو افراد ایک گاڑی کے اندر پھنس گئے تھے جو مینڈیرس قصبے میں پانی کے بڑھنے کی وجہ سے بہہ گئے تھے۔
یہ بھی پڑھیں: فلسطین میں کورونا ٹیکہ کاری مہم کی شروعات
اطلاعات کے مطابق، ازمیر کے گورنر یاوز سلیم کوگر نے بتایا کہ اس خطے میں صرف 10 گھنٹے میں فروری کے دوران ہونے والے اوسط کے مقابلے میں 1.5 گنا زیادہ بارش ہوئی ہے۔
سیلاب سے بائراکلی اور کارابالار میں بہت سے رہائشی ماکانات اور کاروباری اداروں کو شدید نقصان پہنچا ہے جس کے باعث گاڑیاں شاہراہوں پر پھنس گئی ہیں۔ عوام اس سے بہت زیادہ پریشان ہیں۔
میڈیا رپورٹ کے مطابق، خطے میں گذشتہ 14 گھنٹوں کے دوران فی مربع میٹر 142 کلو گرام بارش ہوئی ہے اور بارش کا سلسلہ کل صبح تک جاری رہنے کی پیش گوئی ہے۔
