نیتن یاہو کی لیكڈ پارٹی اور گینٹز کی’ بلیو اینڈ وائٹ پارٹی‘ نے اتوار کو جاری ایک مشترکہ بیان میں کہا کہ دونوں پارٹیوں کے درمیان بات چیت’جلد سے جلد ممکن‘ ہوگی۔
دونوں سیاسی پارٹیوں نے صدر ریوین رولن کو اتوار کی شام کو سال بھر سے جاری سیاسی تعطل کے حل کی کوشش کے تحت ’ایک ضروری بات چیت‘ کے لیے بلانے پر شکریہ ادا کیا۔
اس سے پہلے اتوار کو رولن نے 2 مارچ کو پارلیمانی انتخابات میں منتخب ہوئے تمام پارٹیوں کے رہنماؤں کے ساتھ تبادلہ خیال کیا۔ ان کے دفتر نے کہا کہ وہ 61 اراکین کی حمایت والے گینٹز کو باضابطہ طور پر حکومت بنانے کے لیے کہیں گے۔
مخلوط حکومت بنانے کی کوششوں کے لیے گینٹز کے پاس تقریباً ایک ماہ کا وقت ہوگا۔ اگر گینٹزحکومت بنانے میں ناکام رہتے ہیں تو رولن نیتن یاہو کو حکومت بنانے کے لیے نامزد کر سکتے ہیں ۔ نیتن یاہو کے پاس 58 اراکین پارلیمان کی حمایت حاصل ہے۔
قابل ذکر ہے کہ دو مارچ کو آئے انتخابات کے نتائج کے بعد سے اسرائیل میں سیاسی تعطل برقرار ہے۔
