مدینہ منورہ: مختلف علاقوں میں 24 گھنٹے کا کرفیو ختم

سعودی عرب کی حکومت نے مدینہ منورہ کے متعدد علاقوں سے 24 گھنٹے کا کرفیو ختم کرنے کا اعلان کیا ہے۔

سعودی وزارت داخلہ کے ایک ریلیز کے مطابق جن علاقوں سے کرفیو اٹھایا گیا ہے، وہاں کے رہائشی اب صبح 9 سے شام 5 بجے تک گھروں سے باہر نکل سکیں گے۔

ریلیز کے مطابق انسداد کورونا صحت کمیٹی کی سفارش پر مدینہ منورہ کے محلّوں الشریبات، بنی ظفر، الجمعہ، بنی خدرہ اور اسکان کے ایک حصے سے اضافی احتیاطی تدابیر ختم کر دی گئی ہیں۔

سعودی وزارت داخلہ کے مطابق مدینہ منورہ کے بعض علاقوں سے کرفیو کی پابندی ختم کرنے کے فیصلے کا نفاذ آج سے ہو گیا ہے۔