کویت کے 91 سالہ امیر صباح الاحمد الجابر الصباح منگل کے روز امریکہ کے ایک ہسپتال میں انتقال کر گئے۔
ٹیلی ویژن نشریات میں شاہی امور کے انچارج وزیر، شیخ علی جراح الصباح نے کہا ، "بڑے دکھ اور افسوس کے ساتھ، یہ اطلاع دی جاتی ہے کہ مملکت کویت کے امیر، شیخ صباح الاحمد الجابر الصباح وفات پاگئے،ہم سوگ مناتے ہیں"۔
مرحوم1929 میں پیدا ہوئے۔ شیخ صباح کو جدید کویت کی خارجہ پالیسی کا معمار سمجھا جاتا ہے۔ انہوں نے 1963 سے 2003 تک تقریبا 40 سال وزیر خارجہ کی حیثیت سے خدمات انجام دیں۔ 2003 میں وزیراعظم بنے۔اور شیخ جابر الصباح کی وفات کے بعد جنوری 2006 میں وہ کویت کے امیر منتخب ہوئے۔
