ایسوسی ایٹڈ پریس کی طرف سے حاصل کی گئی ویڈیو میں دکھایا گیا ہے کہ ایک اسرائیلی پولیس افسر ایسوسی ایٹڈ پریس کے فوٹوگرافر محمود الیان کو زمین پر گرا کر زدکوب Israeli police beat AP Photographer کر رہا ہے۔
ویڈیو میں دیکھا جاسکتا ہے کہ اسرائیلی پولیس نے جمعہ کو مظاہرین کے ساتھ جھڑپوں کے دوران اسٹن گرینیڈ فائر کیے اس کے بعد ایک پولیس افسر نے الیان کو بار بار مکے مار کر زمین پر گرا دیا۔
الیان کو بعد میں آنکھ میں زخم آنے کی وجہ سے ہسپتال لے جایا گیا۔
مظاہرین شیخ جراح کے محلے میں فلسطینی باشندوں کی بے دخلی کے مقدمات کے خلاف احتجاج کر رہے تھے۔
مظاہرین ابتداء میں اسرائیلی پولیس کے ساتھ جھڑپوں سے قبل اس ہفتے کے شروع میں آباد کاروں کی طرف سے باڑ لگائے گئے علاقے کے باہر احتجاجی دھرنے میں حصہ لے رہے تھے۔
یہ بھی پڑھیں:
- Jerusalem Incident: اسرائیلی پولیس نے یروشلم میں فلسطینی شخص کو گولی مار دی
- Jerusalem Attack: فلسطینی حملے میں ایک اسرائیلی ہلاک، چار زخمی
اسرائیلی پولیس کی طرف سے جاری کردہ ایک بیان میں کہا گیا ہے کہ فوجیوں نے پولیس اہلکاروں پر کرسیاں پھینکنے والے مظاہرین کے جواب میں کارروائی کی جس سے ایک اہلکار زخمی ہو گیا۔
شیخ جراح ایک عدالتی معاملے پر فلسطینی مظاہرین اور پولیس کے درمیان اکثر مظاہروں اور جھڑپوں کا مرکز رہا ہے جس میں سخت گیر اسرائیلی آباد کاروں کا ایک گروپ متعدد فلسطینی خاندانوں کو ان کے گھروں سے بے دخل کرنا چاہتا ہے۔
