حماس سیکوریٹی ذرائع کے مطابق دونوں چوکیاں اسلامک موومنٹ کی فوجی یونٹ القسام بریگیڈ سے وابستہ تھیں۔ توپ خانہ کے بموں سے جنوبی شہر رفاہ اور خان یونس میں واقع دونوں چوکیاں تباہ ہوگئیں۔ اس حملہ میں کسی جانی نقصان کی کوئی خبر نہیں ہے۔
اسرائیلی فوج نے ہفتہ کو اعلان کیا کہ اس نے اسرائیل میں پہلے ہوئے راکٹ حملے کے جواب میں حماس تنظیم سے وابستہ اہداف پر حملہ کیا ہے۔ اسرائیل ڈیفنس فورسز (آئی ڈی ایف) کے ذریعہ جاری ایک بیان کے مطابق فوج نے حماس کی ’فوجی چوکیوں‘ کے خلاف توپ خانہ کا استعمال کیا۔
حالیہ دنوں اسرائیل اور حماس نے ایک دوسرے پر متعدد خطرناک حملے کیے جس سے دونوں کے درمیان تناؤ عروج پر پہنچ چکا ہے۔
اسرائیلی میڈیا کے مطابق دونوں کے مابین کشیدگی کو ختم کرنے کے لیے اگلے ہفتے قطر کا ایک ثالث اس علاقہ میں آ سکتا ہے۔
