ایرانی میڈیا نے دعویٰ کیا ہے کہ ایران نے ملک کی ڈرون فیکٹری پر اسرائیل کے حملے کے جواب میں عراقی شہر اربیل پر حملہ کیا۔Iran Fired Rockets at Erbil
جمعرات کو میڈیا نے رپورٹ کیا کہ اسرائیل نے فروری میں خفیہ طور پر ایک ایرانی ڈرون فیکٹری پر حملہ کیا تھا جس کے جواب میں ایران نے اتوار کو عراقی شہر اربیل پر حملہ کیا۔
ایران نے اربیل میں امریکی قونصل خانے اور کردستان 24 ٹی وی اسٹیشن کے قریب اتوار کو علی الصبح 12 راکٹ فائر کیے۔ اس حملے کی ذمہ داری ایرانی مسلح افواج کی ایک شاخ اسلامی انقلابی گارڈ کور (آئی آر جی سی ) نے قبول کی تھی۔ میڈیا نے اطلاع دی ہے کہ ایران نے اسرائیلی فورسز اور موساد کے دو تربیتی مراکز کو نشانہ بنایا۔
’نیویارک ٹائمز‘ کے مطابق چھ اسرائیلی خودکش کواڈ کاپٹر ڈرونز نے 12 فروری کو کرمان شاہ شہر کے قریب ایک ایرانی ملٹری پلانٹ پر حملہ کیا جس میں مبینہ طور پر اسرائیل نے درجنوں ایرانی ملٹری ڈرونز کو تباہ کر دیا۔
قابل ذکر ہے کہ ابھی تک یہ معلوم نہیں ہو سکا ہے کہ آیا فروری میں اسرائیل کی طرف سے ایران کے خلاف شروع کی گئی اس مہم میں امریکہ کا کوئی کردار ہے یا نہیں۔
یو این آئی
