ایران نے بنایا 100 زبانیں بولنے والا روبوٹ

ایران کی تہران یونیورسٹی نے ایک ایسا روبوٹ بنایا ہے جو 100 مختلف زبانوں کو سمجھ، بول اور ترجمہ کر سکتا ہے۔ اتنا ہی نہیں یہ چہروں کو بھی پہچان سکتا ہے اور فٹ بال کو کک بھی مار سکتا ہے۔

ایک رپورٹ کے مطابق یونیورسٹی کے فیکلٹی آف انجینئرنگ نے چار برس میں اس روبوٹ کو بنا کر تیار کیا ہے۔ اس کا نام ’سُرینا‘ رکھا گیا ہے۔
رپورٹ کے مطابق یہ روبوٹ چیزوں کو اٹھا سکتا ہے اور چہروں کو پہچانے میں بھی اسے ’مہارت‘ حاصل ہے۔ ساتھ ہی وہ ہاتھ ملا کر لوگوں کا ہیلو بھی کر سکتا ہے۔
ذرائع نے بتایا کہ ' 170 سینٹی میٹر لمبا اور 70 کلو گرام وزنی ’سرینا‘ فی گھنٹہ 0.7 کلومیٹر کی رفتار سے چلنے کے قابل ہے اور اوبڑ كھابڑ زمین پر بھی یہ آگے پیچھے اور دائیں بائیں مڑ سکتا ہے۔ اس کے علاوہ بھی اس میں انسانوں کی مانند بہت سی خصوصیات پوشیدہ ہیں'۔