مصر میں گذشتہ 24 گھنٹوں میں کورونا وائرس کی وبا کے 969 نئے معاملے درج کئے گئے ہیں جو مئی کے آخر سے اب تک کی سب سے کم روزانہ کی تعداد ہے۔
وزارت صحت کے ترجمان خالد مجاہد نے بتایا کہ ملک میں کورونا وائرس کے 969 نئے معاملے درج کئے گئے ہیں۔
ملک میں مئی کے آخر سے اب تک پہلی بار متاثرہ معاملوں کی تعداد ایک ہزار سے کم ہوئی ہے۔گذشتہ 24 گھنٹوں کے دوران 79 لوگوں کی اس بیماری سے موت ہوگئی ہے۔
وزارت کی پیر کی رپورٹ میں 1218 نئے معاملےسامنے آئے اور63 افراد ہلاک ہوئے۔ مسٹر مجاہد نے بتایا کہ ملک میں متاثرہ کورونا کی تعداد 76222 ہے، جن میں سے 21238 افراد کو صحت یابی کے بعد اسپتالوں سے فارغ کردیا گیا ہے جبکہ 3422 افراد اس مرض سے ہلاک ہوگئے ہیں۔
مصری حکام نے جون میں کورونا وائرس کے کرفیو کو ہٹا دیا اور صارفین اور حفاظتی احتیاطی تدابیر کی ایک محدود تعداد کو اپناتے ہوئے ریستوران ، فلم تھیئٹرز اور جم خانوں کو دوبارہ کام کرنے کی اجازت دی۔
مصر نے یکم جولائی سے ملکی اور غیر ملکی ہوائی سفر دوبارہ شروع کیا ہے ، لیکن پارکس اور ساحل ابھی بھی بند ہیں۔
