مصر میں عرب لیگ کے ممالک کے وزرائے خارجہ نے احمد ابوالغیط کو عرب لیگ کا نیا جنرل سیکریٹری مقرر کیا ہے۔ مصری میڈیا نے یہ اطلاع دی ہے۔
نیوز ایجنسی مینا نے سفارتی ذرائع کے حوالے سے بتایا ہے کہ وزرائے خارجہ نے متفقہ طور پر مصر کی نامزدگی کی حمایت کی ہے۔
یہ فیصلہ 155 ویں لیگ سمٹ کے افتتاحی سیزن سے پہلے لیا گیا ہے۔
احمد ابوالغیط سنہ 1945 سے قائم عرب لیگ میں آٹھویں جنرل سیکریٹری ہیں۔ مارچ سنہ 2016 میں سیکریٹری جنرل کی حیثیت سے اپنی پہلی تقرری سے قبل، وہ اقوام متحدہ میں مصر کے سفیر اور وزیر خارجہ جیسے اعلی سفارتی عہدوں پر فائز رہے ہیں۔
یہ بھی پڑھیں: پاکستان سینیٹ انتخابات: عمران خان کی پارٹی کو سبقت
بات چیت کے دوران احمد ابوالغیط نے اپنی نئی پانچ سالہ میعاد کے دوران اسرائیل فلسطین تنازع کے حل کے لیے پیشرفت کرنے میں خوشی کا اظہار کیا۔
جنوری میں مصر کے صدر عبد الفتاح السیسی نے اعلان کیا تھا کہ قاہرہ ابوالغیط کو دوسری مدت کے لیے 22 رکنی بلاک کے سربراہ کے طور پر نامزد کرے گا۔
78 سالہ احمد ابوالغیط کو اس عہدے کے لیے دوبارہ نامزد کیا گیا ہے۔ بتا دیں کہ یہ ایک طویل عرصے سے جاری پروٹوکول ہے کہ عرب لیگ کے میزبان کے طور پر مصر روایتی طور پر لیگ کے سربراہ کو نامزد کرتا ہے۔
احمد ابوالغیط عرب دنیا میں بڑے اثرات کے حامل دو علاقائی طاقتوں ترکی اور ایران کے خلاف ہمیشہ آواز بلند کرتے رہے ہیں۔
