وزارت صحت کے ترجمان محمد العبدلعالی نے صحافیوں کو بتایا کہ اتوار کو 1 ہزار 912 نئے کیسزسامنے آنے سے ملک میں کورونا وائرس کی تعداد بڑھ کر 39ہزار 48 ہو گئی ہےاور سات دیگر افراد کی ہلاکت کے ساتھ ہی کورونا وائرس سے ہلاک ہونے والوں کی تعداد 246 ہو گئی ہے جبکہ 143 مریضوں کی حالت نازک ہے۔
ہیلتھ افسروں نے لوگوں سے اپنی کوئی بھی چیز کسی دوسرے کو نہ دینے کے ساتھ احتیاطی تدابیر اختیار کرنے اور کنبے کے ارکان کے درمیان بھی سماجی دوری برقرار رکھنے کی اپیل کی ہے۔
ٹرانسپورٹ وزارت کے ترجمان یاسر المسافر نے سکیورٹی حکام کے ساتھ تعاون کرنے کی اپیل کی ہے اس کے علاوہ بیرون ملک میں مقیم سعودی مہاجرین کی واپسی کے لئے پانچ ہوائی اڈوں کو کھول دیا ہے ۔
