بنگلہ دیش میں گزشتہ 24 گھنٹوں کے دوران کورونا وائرس انفیکشن کے 3288 نئے کیسز سامنے آنے کے بعد متاثرین کی تعداد بڑھ کر 1,59,679 ہوگئی ہے۔
اس کے علاوہ مذکورہ مدت کے دوران کورونا سے متاثرہ 29 مزید مریضوں کی موت کے ساتھ مرنے والوں کی تعداد 2000کے قریب پہنچ گئی ہے۔
بنگلہ دیش میں کورونا انفیکشن اور اس وائرس سے مرنے والوں کی تعداد بالترتیب 159,679 اور 1997 ہوگئی ہے۔
ہیلتھ سروسز ڈائرکٹوریٹ کی ایڈیشنل ڈائرکٹر جنرل پروفیسر نسیم سلطانہ نے سنیچر کو اپنے باقاعدہ بلیٹن میں یہ اطلاع دی۔
انہوں نے بتایا کہ گزشتہ چوبیس گھنٹوں میں 14,727 نمونوں کی جانچ کی گئی۔ ملک میں اب تک مجموعی طورپر 8,32,074 نمونے ٹیسٹ کئے جاچکے ہیں۔ ملک میں گزشتہ روز 2637 مریضوں کے صحت یاب ہونے کے ساتھ اب تک 70,721 کورونا سے متاثرہ مریض ٹھیک ہوچکے ہیں۔
