عراق کے دارالحکومت بغداد میں آج دو خودکش بم دھماکوں میں کم از کم 28 افراد کے ہلاک اور 73 سے زائد افراد کے زخمی ہونے کی خبر ہے۔
پولیس حکام نے بتایا کہ وسطی بغداد کے ایک تجارتی مرکز میں دو دھماکے ہوئے۔ عراقی سرکاری ٹیلی ویژن نے اطلاع دی ہے کہ وہ خودکش دھماکے تھے۔ بہت سے زخمیوں کی حالت تشویشناک ہے اور املاک کو نقصان پہنچا ہے۔
دھماکوں کے بعد عراقی دارالحکومت میں مزید سیکیورٹی دستوں کو تعینات کر دیا گیا ہے اور گرین زون آنے والے تمام راستوں کی ناکہ بندی کر دی گئی ہے۔
یہ بھی پڑھیں: قومی یکجہتی مستقبل کی راہ: جو بائیڈن
بغداد کے وسطی علاقے الطیران اسکوائر پر ایک عوامی بازار میں دُہرے خود کش بم دھماکے ہوئے۔
میڈیا رپورٹ کے مطابق، دھماکوں میں کم از کم 28 افراد جاں بحق اور 73 زخمی ہوگئے۔ بعض زخمیوں کی حالت نازک ہے جس کے سبب ہلاکتوں میں اضافے کا اندیشہ ہے۔
یاد رہے کہ انٹیلی جنس ایجنسیوں نے جنوری کے آغاز پر ایک سیکیورٹی آپریشن شروع کرنے کا اعلان کیا تھا۔ اس کا مقصد دارالحکومت بغداد میں غیر قانونی ہتھیاروں کو ضبط کرنا ہے۔
