امریکہ کے صدر ڈونلڈ ٹرمپ نے آج ٹویٹر پر لکھا کہ ایران کی سرزمین سے عراق میں امریکی سفارتخانے کو حالیہ راکٹ حملے کا نشانہ بنایا گیا ہے۔ انہوں نے متنبہ کیا ہے کہ اگر راکٹ حملے میں کوئی امریکی شہری ہلاک ہوا تو امریکہ ایران کو ذمہ دار ٹھہرائے گا۔
مسٹر خطیب زادے نے کہا کہ ایران اپنی طرف سے سفارتی اور شہری مقامات پر حملوں کو مسترد کرتا ہے۔
یہ بھی پڑھیں: اسرائیل میں سیاسی بحران، دو برس میں چوتھی مرتبہ انتخابات کا اعلان
ترجمان نے زور دے کر کہا کہ امریکی الزامات بے بنیاد اور فرضی ہیں اور انہوں نے الزام لگایا کہ یہ امریکہ اور اس کے اتحادیوں کی اشتعال انگیز کارروائی کا حصہ ہے۔
مسٹر خطیب زادے نے کہا کہ اگر کوئی بلاوجہ کارروائی ہوتی ہے تو ایران اس کے لیے امریکہ کو ذمہ دار ٹھہرائے گا۔
قابل ذکر ہے کہ یہ راکٹ حملے اتوار کے روز ہوئے تھے، جس میں امریکی سفارتخانے میں تعینات ایک دفاعی انٹرسیپٹر نے بغداد کے گرین زون میں داغے گئے تین راکٹوں مار گرایا تھا جہاں متعدد سرکاری دفاتر اور سفارتی مشن موجود ہیں۔
