لیبیا میں ہسپتال پر بمباری، پانچ ہلاک

لیبیا کے دارالحکومت طرابلس میں ہفتے کو ایک ہسپتال پر ہوئی بمباری میں طبی عملے سے تعلق رکھنے والے پانچ افراد کی موت ہو گئی اور آٹھ دیگر زخمی ہو گئے۔

لیبیا کے وزارت صحت نے گزشتہ روزایک بیان جاری کر کے کہا 'وزارت صحت طرابلس ہوائی اڈے کی شاہراہ پر واقع ایک ہسپتال پر فوجی فضائی حملے کی سخت مذمت کرتی ہے۔اس حملے میں پانچ طبی عملے کی موت ہو گئی اور آٹھ دیگر زخمی ہو گئے۔'

متعلقہ وزارت کا کہنا ہے کہ مسلسل اس طرح کے خوفناک حملوں اورتشدد سے مقامی اور بین الاقوامی انسانی قوانین اور معاہدوں کی خلاف ورزی ہوتی ہے۔

واضح ر ہے کہ لیبیا میں اقوام متحدہ کی حمایت یافتہ سرکاری سکیورٹی فورسز اور جنرل خلیفہ حفتر کی قیادت والی باغی فوج کے درمیان دارالحکومت طرابلس پر قبضے کے سلسلے میں اپریل سے زبردست لڑائی چل رہی ہے ۔ اس لڑائی میں اب تک ایک ہزار سے زائد افراد ہلاک ہو چکے ہیں ، 5 ہزار سے زائد زخمی ہوئے ہیں اور کم از کم 1 لاکھ افراد کو بے گھر ہونا پڑا ہے۔