Beirut protest: بیروت بندرگاہ دھماکے کی برسی پر احتجاج میں 84 افراد زخمی

برسوں سے بندرگاہ پر امونیم نائٹریٹ کی ایک بڑی مقدار کے غیر محفوظ ذخیرہ کی وجہ سے دلدوز واقعہ پیش آیا تھا اور ایک سال کے بعد بھی کسی بھی سینئر افسر کا احتساب نہیں کیا گیا۔

لبنان میں بیروت بندرگاہ دھماکوں کی پہلی برسی کے موقع پر احتجاج کے دوران پولیس اور مظاہرین کے درمیان جھڑپوں میں 84 افراد زخمی ہوگئے۔

لبنانی ریڈ کراس نے بدھ کے روز رپورٹ کیا کہ ہزاروں افراد نے بیروت میں پارلیمنٹ کے قریب مظاہروں میں حصہ لیا تاکہ سیاستدانوں کو دی گئی چھوٹ اور دھماکوں کی شفاف تحقیقات کا مطالبہ کیا جائے۔ ان دھماکوں میں 214 افراد ہلاک اور 6000 سے زائد افراد زخمی ہوئے تھے۔

قابل ذکر ہے کہ برسوں سے بندرگاہ پر امونیم نائٹریٹ کی ایک بڑی مقدار کے غیر محفوظ ذخیرہ کی وجہ سے دلدوز واقعہ پیش آیا تھا اور ایک سال کے بعد بھی کسی بھی سینئر افسر کا احتساب نہیں کیا گیا۔

اس کے علاوہ لبنان کو موجودہ وقت میں ایک بڑے مالی بحران کا سامنا ہے، جس کی وجہ سے لوگ حکومت کے خلاف ناراض ہیں اور وہ سڑکوں پر نکل آئے ہیں۔

یو این آئی