قاہرہ میں گاڑیوں کی ٹکر، متعدد ہلاک

مصر کے قاہرہ میں پیر کو متعدد گاڑیوں کی ٹکر کے بعد ہونے والے دھماکےمیں کم از کم 19 افراد کی موت ہو گئی اور دیگر 30 زخمی ہو گئے۔

مصر کی وزارت صحت نے بیان جاری کرکے اس کی اطلاع دی۔ وزارت نے کہا کہ ایک گاڑی نے دوسری سمت سے آنے والی تین گاڑیوں کو ٹکر مار دی، جس کی وجہ سے دھماکہ ہوا۔ یہ حادثہ نیشنل ٹیومر سینٹر کے پاس ہوا۔
عینی شاہدین نے کہا کہ دھماکے کی وجہ سےکئی گاڑیوں میں آگ لگ گئی اور اس کے شعلے خبریں لکھے جانے تک دکھائے دے رہے تھے۔ وزارت نے کہا کہ زخمیوں کو تین مختلف اسپتالوں میں داخل کرایا گیا ہے جہاں ان کا علاج چل رہا ہے۔
ایک سینئر افسر نے بتایا کہ دھماکہ کے سبب گاڑیوں میں آگ لگ گئی، جس کی لپٹیں کافی دور تک پہنچ رہی تھیں۔ پولیس حادثہ کی تفتیش کررہی ہے۔