برطانوی وزیر اعظم بورس جانسن کے بعد برطانوی وزیر صحت میٹ ہینکوک کی کوویڈ 19 کی جمعہ کو مثبت رپورٹ آنے کے بعد ہینکوک نے بھی خود کو الگ تھلگ کر لیا ہے۔
میٹ ہینکوک برطانیہ کے دوسرے اعلیٰ عہدے دار ہیں جو کورونا کے شکار ہوئے ہیں۔
جانسن کی طرح ان کا بھی کہنا ہے کہ انہیں اس مرض کی ہلکی علامات ہیں اور وہ گذشتہ کچھ دنوں سے برطانوی حکومت کے گھر میں رہنے کے مشورے کے مطابق کام کر رہے ہیں تاکہ کووڈ 19 کے پھیلاو کو روکا جا سکے۔
وزیر صحت کی حیثیت سے، وہ برطانیہ میں کورونا کے بڑھتے ہوئے اثر کو کم کرنے کی حکومت کی جدوجہد میں برطانیہ کے وزیر اعظم کے شانہ بشانہ رہے ہیں۔
انہوں نے ٹویٹر پر لکھا کہ طبی مشورے کے بعد مجھے کورونا وائرس کی جانچ کا مشورہ دیا گیا، جس کی رپورٹ مثبت آئی ہے۔
انہوں نے آگے لکھا کہ شکر ہے کہ مجھ میں کورونا کی ہلکی علامت ہے اور میں گھر سے کام کر رہا ہوں اور خود کو الگ تھلگ کر رہا ہوں۔
برطانوی وزیر اعظم بورس جانسن کے ویڈیو پیغام کی طرح ہی وزیر صحت نے بھی ویڈیو پوسٹ کرتے ہوئے لکھا ہے کہ وہ ویڈیو کانفرنسنگ کے ذریعہ کورونا وائرس سے لڑنے کے متعلق محکمہ صحت کے کام کی قیادت کرتے رہیں گے۔
