آسٹریا میں سخت لاک ڈاؤن

یوروپ میں کورونا وائرس کے کیسز میں مسلسل اضافہ درج کیا جا رہا ہے، جس کے پیش نظر یوروپ کے کچھ ممالک نے دوسری بار لاک ڈاون کی شروعات کی ہے۔

کورونا وائرس کے پیش نظر یوروپی ملک آسٹریا میں دوسرے مرحلے کا لاک ڈاؤن نافذ کیا گیا ہے، جو کم از کم آئندہ 6 اگست تک جاری رہے گا۔

آسٹریائی حکومت نے معمول کے لاک ڈاؤن کے باوجود کورونا وائرس کے بڑھتے کیسز کے سبب اس بار سخت لاک ڈاؤن نافذ کرنے کا فیصلہ کیا ہے۔

آسٹریا میں اب تک 2,08,613 افراد کورونا متاثر ہوئے ہیں اور 1887 افراد ہلاک ہو چکے ہیں جبکہ 1,29,671 کورونا مریضوں کے صحتیاب ہونے کے بعد انھیں اسپتالوں سے چھٹی دے دی گئی ہے۔