روس نے دعویٰ کیا ہے کہ اس کی مسلح افواج نے یوکرین کے شہر میلیٹوپول پر مکمل کنٹرول حاصل کر لیا ہے۔ روسی وزارت دفاع کے ترجمان میجر جنرل ایگور کوناشینکوف نے ہفتے کو صحافیوں کو یہ اطلاع دی۔Russia Attacks Ukraine
انہوں نے مزید بتایا کہ روسی فوج شہریوں کی حفاظت اور یوکرین کی خصوصی خدمات کی بحالی کو یقینی بنانے کے لیے تمام اقدامات کر رہی ہے۔
انہوں نے بتایا کہ یوکرین کی شہری آبادی کو کوئی خطرہ نہیں ہے اور خصوصی آپریشن میں صرف یوکرین کے فوجی انفراسٹرکچر کو نشانہ بنایا جا رہا ہے۔ انہوں نے زور دے کر کہا کہ روس کا یوکرین کے ساتھ الحاق کا کوئی منصوبہ نہیں ہے۔
یہ بھی پڑھیں: Russia Attacks Ukraine: یوکرینی صدر نے ملک چھوڑنے کی پیشکش ٹھکرا دی، کہا مجھے ہتھیاروں کی ضرورت ہے فلائٹ کی نہیں
جمعرات سے روس نے یوکرین پر حملہ کیا ہوا ہے جس حملے کو روس ایک خصوصی آپریشن کا نام دیا ہے، اس حملے سے قبل روس نے روکرین کے دو علاقے ڈونیٹسک اور لوہانسک کو آزاد علاقے کے طور پر تسلیم کیا۔
روسی وزارت دفاع نے کہا کہ خصوصی آپریشن صرف یوکرین کے فوجی ڈھانچے کو نشانہ بنا رہا ہے اور شہری آبادی کو کوئی خطرہ نہیں ہے۔ ماسکو کا کہنا ہے کہ اس کا یوکرین پر قبضے کا کوئی منصوبہ نہیں ہے۔
وہیں یوکرین کا کہنا ہے کہ روس کے حملے میں اب تک سینکڑوں افراد کی جانیں جاچکی ہیں، اور اس وقت ملک کے دارالحکومت میں دونوں فوجیوں کے درمیان سخت لڑائی جاری ہے۔
