روسی وزارت دفاع کے ترجمان میجر جنرل ایگور کوناشینکوف نے اتوار کو بتایا کہ کنزال ہائپرسونک میزائل نے بحیرۂ اسود کی بندرگاہ میکولائیو کے قریب کوسٹیانتینیوکا میں یوکرین کے ایندھن کے ڈپو کو نشانہ بنایا۔
خبر رساں ایجنسی کے مطابق یوکرین کے جنوبی شہر میکولائیو میں فوجی بیرکس میں 200 فوجی موجود تھے، روس کی جانب سے صبح سویرے ہونے والے حملے میں کم از کم 100 فوجیوں کی ہلاکت کا خدشہ ہے۔Russia Ukraine war
گزشتہ روز روس نے کنزال نامی ہائیپرسونک میزائل کا استعمال کیا تھا، یہ ایک ایسا ہتھیار ہے جو آواز کی رفتار سے 10 گنا زیادہ رفتار سے 2,000 کلومیٹر (1,250 میل) دور اہداف کو نشانہ بنانے کی صلاحیت رکھتا ہے۔
روسی فوج نے کہا تھا کہ کنزال کو پہلی دفعہ مغربی یوکرین کے کارپیتھین پہاڑوں میں دلیاٹن میں گولہ بارود کے ڈپو کو تباہ کرنے کے لیے استعمال کیا گیا تھا۔
یہ بھی پڑھیں:
انہوں نے کہا کہ بحیرۂ اسود سے داغے گئے کلیبر میزائلوں کا استعمال شمالی یوکرین میں چرنیہیو کے علاقے نزین میں ایک اسلحہ مرمت پلانٹ کو تباہ کرنے کے لیے کیا گیا۔
کوناشینکوف نے مزید کہا کہ ایک اور حملہ ہوا ہے جہاں غیر ملکی جنگجو اور یوکرائنی خصوصی دستے مقیم تھے۔
