روس یوکرین کے درمیان جاری جنگ آج 14ویں روز میں داخل ہوگئی ہے لیکن ابھی بھی بہت سے شہری مختلف علاقوں میں پھنسے ہوئے ہیں۔Russia Ukraine War
یوکرین میں غیر ملکی شہریوں کے انخلا کے لیے روس پر عالمی دباو کی وجہ سے روس نے بدھ کی صبح انسانی بنیادوں پر عارضی جنگ بندی کا اعلان کیا۔Russia declares a temporary ceasefire
اسپوتنک نیوز ایجنسی نے اطلاع دی ہے کہ روس نے عارضی جنگ بندی کا اعلان کیا ہے اور وہ کیف سمیت کئی شہروں سے انسانی ہمدردی کی راہداری فراہم کرنے کے لیے تیار ہے۔
روس کی جانب سے عارضی جنگ بندی کے اعلان کے بعد یوکرین کے نائب وزیر اعظم ایرینا ویریشچک کا کہنا ہے کہ یوکرین چھ انسانی ہمدردی کی راہداریوں کے ذریعے شہریوں کو نکال رہا ہے۔
یہ بھی پڑھیں:
Russia Ukraine Conflict: ترکی، روس یوکرین امن مذاکرات کی میزبانی کرے گا
یہ اعلان ایک ایسے وقت میں سامنے آیا ہے جب دونوں فریقوں نے ایک دوسرے پر انسانی ہمدردی کی راہداریوں میں رکاوٹ ڈالنے کا الزام لگایا ہے۔
روس نے کہا کہ وہ کیف، ماریوپول، خارکیف، سُمی، چرنیہوی اور زاپورزہزیا سے راہداری فراہم کرنے کے لیے تیار ہے۔
اس سے قبل منگل کو سُمی شہر سے عام شہریوں کو خصوصی طور پر نکالا گیا تھا۔ اس کے علاوہ دارالحکومت کیف سے باہر بھی انخلاء کیا گیا۔
