برطانیہ کی ملکہ الیزبیتھ دوم آج اپنی 94 ویں سالگرہ منارہی ہیں۔ روایتی طورحالانکہ ان کی سالگرہ جون میں مختلف طرح کی روایتوں کے ساتھ منائی جاتی ہے۔
اپنی سالگرہ کے موقع پر ملکہ الیزبتھ نے برطانیہ کی عوام کو خطاب کیا اور ملک میں کووڈ 19 سے نمٹنے میں مصروف طبی عملے کی تعریف کی، انہوں نے عوام سے اپیل کی کہ 'کووڈ 19 سے نمٹنے کے لیے احتیاطی تدابیر پر عمل کریں'۔
ملک کی بقیہ عوام کی طرح وہ سالگرہ کے موقع پر بھی سیلف آئیسولیشن میں رہیں گی۔
ملکہ الیزا بتھ اور اس کے شوہر شہزادہ فلپ ونڈسٹر، کاسٹل میں اپنے ملازمین کے ساتھ رہ رہی ہیں۔
برطانیہ کو کووڈ 19 نے بری طرح متاثر کیا ہے، اور وہاں کووڈ 19 سے اب تک ایک لاکھ 24 ہزار 743 افراد متاثر ہو گئے ہیں جبکہ 16 ہزار 509 افراد ہلاک ہوچکے ہیں۔
برطانیہ کے وزیراعظم بورس جانسن بھی کورونا وائرس سے متاثر پائے گئے، جس کے بعد وہ سیلف آئیسولیشن میں رہے لیکن حالت مزید خراب ہوگئی، پھر انہیں انتہائی نگہداست وارڈ میں منتقل کرنا پڑا اور اب وہ کورونا وائرس سے نجات پا چکے ہیں۔
