یوکرین کے خلاف ایک ہفتہ پہلے جنگ شروع کرنے والے روس کے صدر ولادیمیر پوتن یوکرین کے سابق صدر وکٹر یانوکووچ Viktor Yanukovych کو ملک کے نئے صدرکے طور پر دیکھنا چاہتے ہیں، یانوکووچ کو روس نواز مانا جاتا ہے۔
یہ اطلاع بدھ کو سامنے آنے والی ایک رپورٹ میں دی گئی۔ بتایا جارہا ہے کہ یانوکووچ فی الحال منسک میں ہیں اور روس یوکرین کے نئے صدر کے طور پر ولودیمیر زیلنسکی کی جگہ لینے کے لیے ایک خصوصی مہم کی تیاری میں ہے۔ Russia Ukraine War
زیلنسکی یوکرین میں بڑھتی ہوئی فوج کے خلاف شدید مزاحمت کرنےوالے ایک آئیکن کے طور پر ابھرے ہیں۔
یوکرین کے چوتھے صدر وکٹر یانوکووچ کی جانب سے 2014 میں یوکرین-یورپی یونین معاہدے کو مسترد کرنے پر ملک میں زبردست احتجاج بپا ہوگیا تھا جس کے نتیجے میں اس وقت کے صدر کو عہدے سے معزول کر دیا گیا تھا۔
یہ بھی پڑھیں: Russia Ukraine War: روس کا انتباہ، اگر تیسری عالمی جنگ ہوئی تو یہ ایٹمی اور تباہ کن ہوگی
وکٹر یانوکووچ 2010 سے 2014 تک یوکرین کے صدر رہے، اس سے پہلے وہ 2006-07 تک ملک کے وزیر اعظم بھی رہے اور نومبر 2002 سے جنوری 2005 تک ملک کی خدمت کی، حالانکہ دسمبر 2004 میں ان کی مدت کار میں تھوڑا وقفہ بھی آیا تھا۔
جون 2015 میں، یوکرین کی پارلیمنٹ نے یانوکووچ کو باضابطہ طور پر صدرکے عہدے سے برطرف کر دیاتھا اور 2019 میں یوکرینی عدالت نے انہیں غداری کے الزام میں 13 سال قید کی سزا سنائی تھی۔
