اخبار دی گارڈین کی رپورٹ کے مطابق مظاہرین پیر کی صبح گیرے ڈی لین میٹرو اسٹیشن کے قریب جمع ہوئے۔ چھٹیوں کی وجہ سے میٹرو اسٹیشن کے گرد و نواح کافی بھیڑ تھی۔ مظاہرین نے وہاں موجود بھیڑ کو مجمع کو خطاب کرتے ہوئے مجوزہ پنشن اصلاحات کی سخت تنقید کی۔
فرانسیسی صدر ایمانوئل میکرون نے مظاہرین سے کرسمس کے پیش نظر احتجاج بند کرنے کی اپیل کی ہے۔ فرانس میں کاروباری طبقہ پنشن اسکیم میں مجوزہ اصلاحات سے بہت ناراض ہیں اور اس کی مخالفت کر رہے ہیں۔
یہ احتجاج 5 دسمبر سے ہورہے ہیں۔ حکومت کا نئی تجاویز کے تحت ریٹائرمنٹ کی عمر بڑھانے کا منصوبہ ہے۔ ان اصلاحات کے تحت جو افراد مقررہ وقت سے پہلے ریٹائر ہوجاتے ہیں انہیں کم اجرت ملے گی۔
پنشن اصلاحات کے خلاف ہونے والے مظاہروں اور ہڑتالوں میں اساتذہ اور ٹرانسپورٹ ورکرز کے علاوہ پولیس، وکلاء، ہسپتالوں کا عملہ، ہوائی اڈے کے کارکنان اور دیگر کاروباری لوگ بھی شامل ہیں
