کیتھولک چرچ کی تاریخ میں پہلی بار ایک افریقی امریکی شخص کو کارڈنل کے اعلی عہدے پر فائز کیا گیا ہے۔ پوپ فرانسس نے کیتھولک چرچ کے اعلی عہدوں پر افریقی نژاد امریکی شخص ولٹن گریگوری سمیت دیگر 12 نئے کارڈینلز کی تقرری کی ہے۔
اطلاعات کے مطابق پوپ فرانسس نے ہفتہ کے روز ویٹیکن کے سینٹ پیٹرس بیسلیکا میں منعقدہ ایک تقریب میں 13 نئے کارڈنلز کی تقرری کا اعلان کیا اور انہیں انگوٹھی اور روایتی سرخ ٹوپی سونپی گئی۔
ولٹن پہلے افریقی امریکی شہری ہیں جن کو گریگوری کالج آف کارڈینلز میں مقرر کیا گیا ہے۔ وہ مئی 2019 سے واشنگٹن کے آرچ ڈیوسیس کے آرک بشپ کے فرائض سرانجام دے رہے ہیں۔
