وزیر اعظم نریندر مودی اگلے ہفتے ایک سالانہ بین الاقوامی توانائی کانفرنس کے دوران سی ای آر اے ویک عالمی توانائی اور ماحولیاتی قیادت ایوارڈ سے سرفراز کئے جائیں گے۔
جمعہ کے روز منتظم آئی ایچ ایس مارکیت نے کہا کہ یکم سے پانچ مارچ تک منعقد کئے جانے والے سی ای آر اے ویک کانفرنس -2021 میں وزیر اعظم مودی کلیدی خطبہ بھی پیش کریں گے۔
کانفرنس کے ممتاز مقررین میں آب و ہوا کے لئے امریکی خصوصی پریسیڈنشیل انیوائے جان کیری، بل کے نائب صدر میلنڈا گیٹس فاؤنڈیشن اور بریک تھرو انرجی کے بانی بل گیٹس اور سعوی آرامکو کے صدر و سی ای او امین ناصر کے نام بھی شامل ہیں۔
آئی ایچ ایس مارکیت کے وائس چیئرمین اور کانفرنس کے صدر ڈینیئل یارگین نے کہا کہ "ہم دنیا کی سب سے بڑی جمہوریت کے کردار کے بارے میں وزیر اعظم مودی کے نقطہ نظر کے منتظر ہیں اور ہمیں بھارت اور دنیا کے مستقبل کی توانائی کی ضرورتوں کے متعلق بھارتی قیادت کے تعلق سے نریندور مودی کے عزم کے لئے انہیں سی ای آر ویک گلوبل انرجی اینڈ انوائرمنٹ لیڈرشپ ایوارڈ سے نوازے جانے پر فخر ہو رہا ہے۔''
انہوں نے کہا کہ معاشی نمو، غربت میں کمی اور توانائی کے نئے مستقبل کی طرف گامزن کرنے کے لئے بھارت عالمی توانائی اور ماحولیات کے مرکز کے طور پر ابھرا ہے۔
سالانہ بین الاقوامی کانفرنس توانائی صنعت کے رہنماؤں، ماہرین، سرکاری عہدیداروں اور پالیسی سازوں، ٹیکنالوجی، مالیاتی اور صنعتی برادریوں کے رہنماؤں اور توانائی کی ٹیکنالوجی انویٹر کا ایک اجتماع ہے۔
