اسرائیل۔حماس کے ساتھ جرمنی رابطے میں ہے: ہائیکو ماس

جرمنی نے کہا ہے کہ اسرائیل اور غزہ سرحد پر دونوں ملکوں کے مابین جنگ کے پیش نظر وہ اسرائیل اور حماس سے وابستہ افراد سے رابطے میں ہے۔

جرمنی کے وزیر خارجہ ہائیکو ماس نے منگل کے روز بتایا کہ، 'میں اپنے اسرائیلی دوستوں اور اردن، مصر اور قطر کے ہم منصبوں کے ساتھ بات چیت کررہا ہوں کیونکہ ہمیں فریقین کی ضرورت ہے۔ ہم اپنے اسرائیلی دوستوں اور حماس سے وابستگی رکھنے والوں سے بات چیت کر رہے ہیں، بالخصوص قاہرہ میں اپنے اہلکاروں کے ساتھ رابطے میں ہیں۔'

ہائیکو ماس نے یورپی ممالک کے وزرائے خارجہ کی ورچول میٹنگ سے خطاب کرتے ہوئے کہا کہ، 'فریقین کے مابین مذاکرے کے لیے سب سے پہلے ہتھیار کے استعمال کو روکا جانا ضروری ہے۔'

غور طلب ہے کہ اسرائیلی سکیورٹی فورسز اور فلسطینی باغیوں کے مابین گذشتہ ایک ہفتے سے گولی باری جاری ہے۔ یہ گولی باری گزشتہ کچھ برسوں میں سب سے زیادہ پر تشدد ہے، جس میں 10 اسرائیلی اور غزہ پٹی میں 220 افراد کی موت ہو گئی۔

دونوں طرف ہوئیں ہلاکتوں کے پیش نظر بہ آسانی اندازہ ہوتا ہے کہ یہ کوئی جنگ نہیں بلکہ یکطرفہ طور پر مبینہ 'نسل کشی' ہے۔

یو این آئی