سیلاب سے جرمنی اور جمہوریہ چیک کے مابین ریل سروس متاثر

ٹاگیسچو خبررساں ایجنسی نے اطلاع دی ہے کہ جرمنی اور جمہوریہ چیک کو بیڈ شنڈاؤ کے راستے جوڑنے والا ایک ریلوے روٹ سیلاب کے باعث بند ہوگیا ہے۔

جرمنی کے شہر سکسن سوئزرلینڈ میں موسلا دھار بارش کے نتیجے میں آنے والے سیلاب سے جمہوریہ چیک کے ساتھ ریلوے سروس درہم برہم ہوگئی ہے۔ مقامی میڈیا نے اپنی رپورٹ میں یہ اطلاع دی۔

سیکسن سوئٹزرلینڈ۔ ایسٹن اورے ماؤنٹین ڈسٹرکٹ آفس نے ہفتہ کی شام ڈائی زیٹ کے حوالے سے بتایا ہے کہ 100 لیٹر فی مربع میٹر سے زیادہ بارش کے باعث سیلاب آنے کی اطلاعات ہیں۔

اخبار نے سیلاب مرکز کے حوالے سے بتایا ہے کہ 'پانی کی سطح میں بہت زیادہ اضافہ کے درمیان کچھ علاقوں میں الرٹ جاری کیا گیا ہے اور توقع ہے کہ پانی کی سطح میں مزید اضافہ ہوگا۔'

دریں اثنا ٹاگیسچو خبررساں ایجنسی نے اطلاع دی ہے کہ جرمنی اور جمہوریہ چیک کو بیڈ شنڈاؤ کے راستے جوڑنے والا ایک ریلوے روٹ سیلاب کے باعث بند ہوگیا ہے۔

ڈوئچے باہن ریلوے سروس نے ہفتے کے روز ٹویٹر پر بتایا کہ 'بیڈ شنڈاؤ کے قریب ریلوے کا راستہ درہم برہم ہوچکا ہے اور لمبی دوری والی ٹرینوں کو روک دیا گیا ہے۔'

ڈوئچے باہن ویب سائٹ پر موصولہ اطلاعات کے مطابق علاقے میں سیلاب اور لینڈ سلائیڈنگ کے درمیان ڈریسڈن ۔پراگ روٹ پر ٹریفک اتوار کی سہ پہر تک معطل کردی گئی ہے۔

(یو این آئی)