روس: گرم پانی کے پائپ پھٹنے سے پانچ افراد ہلاک

علاقائی تفتیشی کمیٹی نے ایک بیان میں کہا کہ یہ حادثہ علیٰ الصباح ہوا اور گرم پانی ان پائپوں سے نکل کر ہوٹل میں بھر گیا۔

روس میں اُرال پہاڑی علاقے کے قریب شہر میں ایک چھوٹے ہوٹل میں گرم پانی کے پائپ کے پھٹ جانے کے بعد وہاں جمع گرم پانی کی زد میں آکر پانچ افراد کی موت ہوگئی اور دیگر تین افراد زخمی ہوگئے۔

علاقائی تفتیشی کمیٹی نے ایک بیان میں کہا کہ یہ حادثہ علیٰ الصباح ہوا اور گرم پانی ان پائپوں سے نکل کر ہوٹل میں بھر گیا۔

تفتیش کاروں نے ہوٹل کے آپریٹروں کے خلاف مناسب حفاظتی معیارات پر عمل درآمد نہ کروانے پر مجرمانہ معاملہ درج کیا ہے۔

معاملے کی تفتیش کی جارہی ہے اور تفتیش کاروں نے وہاں سے کافی نمونے یکجا کیے ہیں۔