27 ممالک کے بلاک یورپی یونین (ای یو) نے یوکرین میں روسی فوجی کارروائی کے خلاف رشیا ٹوڈے (آر ٹی) اور خبررساں ایجنسی اسپوتنک کی نشریات اور ترسیل پر پابندی لگا دی ہے۔ یورپی یونین نے بدھ کے روز یہ اطلاع دی۔EU Bans RT and Sputnik
یورپی یونین نے اپنے بیان میں کہا کہ "صورتحال کی حساسیت کے پیش نظر اور یوکرین کو غیر مستحکم کرنے والے روس کے جارحانہ اقدامات کے جواب میں، یہ پابندی ضروری اور بنیادی حقوق اور آزادیوں کے مطابق ہے۔ احتیاطی تدابیر کے تحت رشیا ٹوڈے اور اسپوتنک کی نشریات پر پابندی لگانے کی ہدایات دی گئی ہیں"۔Russia Ukraine War
بیان میں کہا گیا کہ پابندی کا اطلاق تمام چینلز، جیسے کیبل، سیٹلائٹ، آئی پی ٹی وی، پلیٹ فارم، ویب سائٹس اور ایپس پر ہوگا۔ آر ٹی اور اسپوتنک سے متعلق تمام متعلقہ لائسنس اور معاہدے ختم کر دیے گئے ہیں، جس کے دائرے میں آر ٹی انگلش، آر ٹی یوکے، آر ٹی جرمنی، آرٹی فرانس، آرٹی اسپینش اور اسپوتنک شامل ہیں۔
وہیں گوگل نے بھی نے روسی آر ٹی براڈکاسٹر اور اسپوتنک نیوز ایجنسی سے تعلق رکھنے والی تمام موبائل ایپس پر پابندی لگا دی ہے۔
یہ بھی پڑھیں:
EU on Russia: یوروپی یونین کا روس پر نئی شدید پابندیوں کا اعلان
یہ فیصلہ امریکی کمپنی کی جانب سے منگل کو یوکرین میں خصوصی مہم کے مدنظر تمام روسی نیوز چینل سے منسلک یوٹیوب چینلز پر پابندی لگانے کے بعد کیا گیا ہے۔
روس سے منسلک نیوز چینلوں کو فیس بک (میٹا) اور دیگر آئی ٹی کمپنیوں نے نشانہ بنایا ہے۔
