وزارت صحت کی جانب سے جاری کردہ اعداد و شمار کے مطابق گزشتہ 24 گھنٹوں کے دوران ملک میں کورونا انفیکشن کے 26 ہزار 51 نئے کیسز درج کیے گئےہیں، جبکہ اس دوران 602 مریض فوت ہوئے ہیں، ملک میں اب تک 16 لاکھ 3 ہزار 55 افراد اس بیماری کی زد میں آچکے ہیں جبکہ 64 ہزار 867 افراد اب تک ہلاک ہو چکے ہیں۔
ایک روز قبل ہفتہ کو برازیل میں کورونا کے 37 ہزار 923 نئے معاملات درج کیے گئے تھے جن میں 1 ہزار 91 افراد کی موت ہوئی ہے، برازیل کورونا سے متاثر ہونے اور اموات کے معاملے میں امریکہ کے بعد دوسرے نمبر پر ہے۔
قابل ذکر بات یہ ہے کہ برازیل کے مقابلے امریکہ میں کورونا کے کیس زیادہ ہیں جہاں اب تک 28 لاکھ افراد اس وائرس کا شکار ہوچکے ہیں۔
