سعودی عرب کے حکمراں سلمان بن عبدالعزیز نے رمضان المبارک کے موقع پر اقوام عالم کے لیے خوشحالی اور سلامتی کی امید کا اظہار کیا ہے۔
شاہ سلمان نے اپنے ٹوئٹ پیغام میں لکھا کہ 'ہم اللہ کی تعریف کرتے ہیں کہ اللہ نے ہمیں رمضان المبارک کا مہینہ نصیب فرمایا۔ ہم اللہ رب العزت سے گڑگڑائیں گے کہ وہ ہمارے روزے اور نمازوں کو قبول فرمائے اور دعا کری گے کہ وہ ہم پر اور پوری دنیا پر سے ہر قسم کی آفت و بلا کو اٹھا لے۔ ہم اللہ تعالی سے اس ماہ کی برکتیں چاہتے ہیں اور دنیا کی تمام اقوام کی امن اور سلامتی کے خواہشمند ہیں'۔
اس سے قبل شاہ سلمان نے رمضان مبارک کی آمد کے موقع پر اپنے خطاب میں کہا تھا کہ اس مشکل گھڑی میں سنجیدگی سے کام کرتے رہنے اور متعلقہ ہدایات پر مکمل عمل کی ضرورت ہے۔ شاہ سلمان کا خطاب سعودی وزیر اطلاعات نے پڑھ کر سنایا تھا۔
انہوں نے باور کرایا کہ 'ہم شہریوں اور مقیم افراد کی خدمت اور انسان کی سلامتی کے خواہشمند ہیں'۔
