ازبکستان: کورونا متاثرین کی تعداد 2 ہزار سے تجاوز

ازبکستان میں کورونا متاثرین کی تعداد میں مسلسل اضافہ ہورہاہے، یہاں متاثرین کی کل تعداد 2 ہزار 486 ہوگئی، جبکہ اس وبا سے 10 لوگوں کی موت ہوئی ہے، 1 ہزار 988 لوگ صحتیاب بھی ہوئے ہیں۔

ازبکستان میں منگل کے روز کورونا وائرس کے 68 نئے کیس سامنے آنے کے ساتھ ہی اس سے متاثر مریضوں کی تعداد بڑھ کر 2 ہزار 486 ہوگئی ہے۔

وزارت صحت کے مطابق ازبکستان میں کورونا سے اب تک 10 لوگوں کی موت ہوئی ہے جبکہ ایک ہزار988 مریض صحتیاب ہو چکے ہیں۔

وزارت نے بیان جاری کرکے بتایا کہ ازبکستان میں کورونا سے متاثر مریضوں کی تعداد بڑھ کر 2 ہزار486 ہو گئی ہے۔ واضح رہے کہ ازبکستان میں گزشتہ 15 مارچ کو کورونا کا پہلا معاملہ سامنے آیا تھا۔