امریکی وزیر دفاع مارک ایسپر کا کہنا ہے کہ شام کے شمال مشرقی علاقے میں تیل کے کنووں کے نزدیک امریکی فوج کے بعض دستوں کو بدستور تعینات رکھنے سے متعلق غور و خوض جاری ہے۔
امریکی فوج کے یہ دستے سیرین ڈیموکریٹک فورسز کے ساتھ مل کر تیل کے کنووں کی نگرانی کریں گے، تاکہ شدت پسند تنظیم 'داعش' یا دوسری جماعتیں ان پر قبضہ نہ کرسکیں۔
امریکی وزیر دفاع نے کہا کہ اس وقت اس علاقے کے نزدیک مختلف شہروں میں امریکی فوج موجود ہے۔وہاں ان کی موجودگی کا مقصد تیل کی آمدنی کو 'داعش' یا دوسری جماعتوں کے ہاتھ لگنے سے روکنا ہے۔
ان کا کہنا تھا کہ اس وقت شام کے شمال مشرقی علاقے سے امریکی فوجیوں کا انخلا جاری ہے، تاہم ابھی تیل کے کنووں کے نزدیک امریکی فوج ایس ڈی ایف کے ساتھ موجود ہے۔
